2009 Osaka - Day 1

-->

旅程感想 ( 4/4 - 11/4 ) : 今次依個旅程先要多謝"天父"比到我地有依個"首次自由行"的經歷, 有好好天氣, 有開滿好靚的櫻花, 有好多我地想試的美食, 有好平安順利旅程, 有弟兄姊妹代禱, 有好友的路線提供... 太多啦。 同埋要多謝"老公"同我一齊去玩, 去relax, 去計劃當中行程, 互相提點, 令到依個旅程有想唔到的開心, 驚喜, 回味無窮的感受, 日本真係去多幾次都唔會悶呀..
*** 再等我2份好朋友仔(大口仔 & sony仔)慢慢介紹一下先..

出發之前去食一食個點心先.. 嘩.. 好正呀...

都唔好食咁多.. 上機仲要食日本飛機餐呀.. 留肚先..

今次我地搭"全日空"去.. 佢地飛機餐都真係唔錯哦.. 有焗三文魚+薯蓉, 冷麵, 牛包包, 同先帶子添...真係坐咁多次飛機最好味的一次,

而且為左慶祝一下.. 我特定叫空中小姐比左支紅酒我飲,你睇大口仔幾嘆...唔知係唔係飲醉呢? haha

好快就出發去到"大阪"啦.. 又開心又興奮添!

一去到我地就去counter買關西空港-特急乘車劵(1390円)返酒店先..

架特急車都幾舒服而且又好快..

就返酒店放行李, 再出發行去"難波-道頓堀"食個包先..途中見到地標 "長腳蟹"不過我地冇試呀.. 可能上次去完北海道都食過,




去食我最愛先.. 拉麵.. 果到有好多間,
不過靜儀講過"四天王拉麵"(900円)好未d..
所以就一齊食左個拉麵, 果然真係好濃郁湯底,
不過麵就唔太似拉麵, 有d似中國麵咁,
不過整體上都已經好唔錯, HK一定做唔到。

又去食章魚燒丸(500円)有成10粒咁多呀! 份量好夠章魚肉又大粒, 又彈牙, 一定要再食多次.. 行下又見到人地介紹的大阪燒(1000円), 點可以唔試呢? 有專人幫我地攪同燒, 好有趣架, 係我地面前由生煎到熟, 我地叫左依個係"人氣之牛肉蛋燒", 真係好味道, 第一次食真係有新意啦..
嘩.. 如果比亞kit & manson知道我地2個又好似上次同佢地一樣咁.. 咁駁命去食.. haha.. 一定比佢笑啦!.. 係日本都有提起你地添... 好拍擋...^^