090901 ~健康院產檢 (第2次)

0901 ~健康院產檢 (第2次)

2009年9月1日上午10:00公開累積瀏覽 22 0

好快咁又到11week啦! 好感恩!

第2次產檢都黎啦!
都唔知有咩要預備, 只係留小便 + 帶覆診咭,
再同公司講左去睇醫生, 之後先返公司。

今日心情都特別期待, 一心希望可以聽到bb的心跳聲啦..
去到見到近100位孕媽媽係到.. 心想不妙啦! 唔知要等幾多人呢?

去交覆診咭時.. 嘩... 要排到87號哦.. 但係當時只叫到30多... 慘啦! 有排等啦!
等左10min後就叫我, 先去磅重, 量血壓, 驗尿... 當時所有野都好正常... 都放心啦!

再坐底慢慢等... 又等左個半鐘... 先到我睇....
一見護士.. 只係比左我知道上一次驗血報告, 一般都好正常,
而護士再走到我身邊只係用手按按我的肚位看看沒有問題,
用手按真係可以知道bb冇問題咩! 真係"好兒戲"呀!
仲要話我只係得11week係聽唔到心跳.. 要再得第3次產檢先可以聽..
算啦.. 政府免費就係咁啦!  

還是期待下星期oscar產檢啦!
bb下星期可以見到你啦! 你要好似媽媽咁有信心, 耐性等待呀!

睇完... 落到樓下... 見到好多公司要人立即登記,
所以我都登記左, 攞左小小禮物比bb呀!

d 禮物都唔少架.. haha... 正!