好早食完左少少早餐後, 想一早就去到"黑門市場"行一行 & 搵野食啦.. 點知原來要10:00左右先開架.. 咩街市都開得咁遲呀.. 仲以為有得食魚生當早餐添.. 不過行行下見到好靚strawberry添.. 又平又新鮮, 所以都買左一盒, 預備出發去二条城到嘗櫻時食.. haha.. 出發day4京都新旅程啦!
一去到京都, 又可以吸收下新鮮空氣啦.. 今日好好天, 好感恩每一天天父的帶領。 去買左one day bus pass (600円) 就去"二条城"啦..
又是一個國家保護公園(國寶), 內理好如詩如畫的風景, 好宏偉建築物, 今次真係有得入去睇啦! 不過唔比映相, 都唔緊要啦.. 全部都save哂落我同老公的記憶體到... 永遠保存^^, 又係好多櫻花呀.. 好靚,
見到大口仔有映就知佢都想有到此一遊的記憶啦! 我地仲邊欣賞邊食strawberry添.. 好sweet呀.. 唔錯.. 想再買添.. 要離開去花見小路&衹園醫肚先.. 去到書中介紹的京都燒(650円)又試左一下, 味道同大阪燒好唔同, 大阪燒多菜, 京都燒就多肉, 蛋, 蝦, 2者都好好味.. good..
仲有伴酒小姐(假人)同我地一齊食添都好好笑呀.. haha
食完行去八坂神社之前的鴨川橋, 望多去好靚呀..
仲有d人坐在河邊休息, 真係好寫意, 有得踏單
車就好啦.食午餐時間又到啦.. 京都食咩呢? 其實我地都唔知, 不過都係衹園四處睇睇.. 見到間間都多人食, 一定間間都唔錯, 就入去啦.. 叫左個好豪的定食(1500円左右).. 有天婦羅, 小食, 飯, 鳥冬啦.. 估唔到係烏冬最好食.. 勝出.. 貴都值得呀..
去到人人所講的八坂神社, 不覺得有咩特別, 穿過後行入d.. 就會入到円山公園, 果到真係好有熱鬧氣氛呀.. 又有人在櫻花樹下嘗花加飲清酒, 不過又真係好嘆, 好舒服呀..
行出d又行到去二年坂, 好開心好多人又好熱鬧地方, 兩旁都買京都自制小裝飾物, 係好靚, 不過都冇買, 好易爛, 不易帶返香港, 只得個睇字..haha見到2個唔係真正的藝妓, 而係穿上藝妓服的遊客, 當然穿得咁靚就同你地映返張啦.. 仲有好多日本人過節都會穿上和服開心一下添.. , 行左好耐都幾累呀.
終於都行到去"清水寺"啦.. 又係發揮老公映相精神, 一定要影到心中想映的感覺,去到要比入場費, 好貴(600円) , 都唔平.. 日本人真係識賺錢啦.. 不過佢地又真係保養得唔錯又clean啦!
我地係到映到天黑啦.. 足足捕左 1 hours 多d.. 都好滿意啦.. 企到我腳仔軟, 又開始餓啦..不過都要慢慢行去坐bus, 二年坂的晚上都好靚呀.. 真係好唔想離開京都呀.... 我地真係好鍾意依種文化氣息呀.. 好唔捨得呀... byebye啦.. 我最愛的京都
返到梅田, 要食野啦.. 搵黎搵去.. 哈哈.. 我地真係好夾, 都係好鍾意食燒野.. 又去食鐵板燒啦..好味, 熱氣都唔怕呀.. 因為我地有十六茶.. haha-good...
沒有留言:
張貼留言