2009 Osaka - Day 5

話咁快就第5日啦.. 日日都早起遲訓, 雖然真係好累, 但每次吸一口新鮮空氣時, 都真係醒神哂.. 一d累意都沒有啦.. 依一站係去兵庫 之 "姬路城", 其實係近神戶再入, 都唔近架.. 都足足坐左1:30左右車程.. , 點解咁遠都去.. 只有一個字形容... "靚"

急於出黎見下大場面... 大口仔 & sony cat.. 開心到第一時間叫我同佢地映相一定要映名同映城呀! 不過唔記得幫佢地合照添!... haha
今次都要好多謝d網友介紹可以借free單車, 如果唔係車站雖然好遠咁見到城, 但係行去都真係超累囉..

日本單車仲要幾好坐同好易踏添..
係櫻花底下踏入去又真係好寫意添! 放好單車後, 我地又入城啦! 仲可以上到最高添.. 入場費(600円)
入去觀城啦!.. 好大呀.. 好高呀.. 每層的梯級都好高架.. 都真係唔易行.. 又黑, 不過就好舒服, 當日天氣熱到我可以出汗, 不過入到城內就好似開air-cond.咁.. 老公都話正呀.. 好爽.. 而且唔洗穿著鞋添.. 真係唔錯..

由高處看出來的風景真係好優美, 一大片粉紅色的櫻花樹, 由太陽叔叔的照射下特別迷人.. 已經都咁多年歷史點解都仲咁保養咁好呢? 都要多得每位參觀人事, 都好小心好愛護依個文化遺產啦! 如果唔係我點會到此一遊呢?

要走啦.. 留左都好耐要返去"神戶"到食神戶牛柳啦.. 已經好遲啦.. 去到見到午餐過左時啦.. 冇得食平餐.. 只可以散叫, 我地當然叫左神戶牛柳(好似係150g)啦..

有專人親自係你面前煮架.. 佢好熟手法.. 煎兩下就有得食啦.. 好香呀.. 好味呀.. 入口即融.. 果然係好味.. 好過之前我地去北海道時, 要自己親自煎, 又唔知係幾成熟先好.. 係依到食就細細舊咁上桌比我地食...tks哂, 盛惠4074円(含稅), 都唔算貴..
不過一經過又見到我想試的"松屋" 就去左一齊食肥牛井(650円), 依間就比唔上吉野加啦.. 不過都算唔錯... 食飽飽... 坐8號bus 起行去"北野異人館"是一帶的舊居留地形成了外國人集中居住的地區, 果到都有好多間舊建築物都入唔哂, 而且仲要比入場費添, 所以好多都係睇下就算啦.. 最出名都係.. 風見雞館(紅磚外牆) & 萌黃館(淡綠色外牆) 又係日本國家指定的重要文物, 行上去仲有一間寺添, 不過都係映個"开"算啦!
又坐返bus去"瑪賽克mosaic"是港口的商店街有餐廳、遊園地和電影娛樂、購物。瑪賽克3層是具有開放露天購物街，不過我地去到都已經8:00啦.. 好多間都要close啦.. 只係去食dinner先.. 一去到都係食日式西餐, 依個蛋包飯都係有個blog有推介架, 不過食落真係唔錯.. 好好味.. 食完又要快d去映相啦.. "神戶港灣風景"一帶的夜景啦.. 真係好出名架.. 有"神戶港口塔"是象征神戶港的高108米的紅色園形塔, 好特別的建築物 & 旁邊是"神戶海洋博物館" & 有一間"Kobe int'l hotel"。
我地都映左好耐, 因為坐係碼頭邊到等映相時, 都可以感受到微微的海風, 吹來時有點凍, 不過好清新好舒服, 真係唔想離開"神戶港"呀.. 再見啦!