2009年4月9日 星期四

2009 Osaka - Day 6

好快呀.. 又到第6日啦.. 都唔覺時間過得咁快.. 可能開心時間過得特別快.. 今日由出發去一個新地方"奈良", 去之前都有想像我會唔會怕小鹿仔呢? 去到先算啦.. haha

食完buffet早餐啦.. 又係勁飲好味的日本牛奶啦.. 好純~香~滑, 真係回味啦..
去坐奈良近鐵
(540), 一行出去有好清新的空氣, 都有d新界味道, 不過都係我鍾意的果種haha..
行唔係好耐, 已經見到好多鹿仔.. 佢地好乖, 唔會走出馬路, 係自己的公園內食草, 哂太陽啦.. 我地就去買左鹿仔餅(150円)比佢地食.. 佢地一dd啦... 有好乖, 有用角推我patpat叫我佢地.. 佢都好鬼馬...
奈良公園好大架.. 我地都冇行哂.. 係條街到行真係好舒服架.. 見到好古老的屋啦.. 有d老婆婆係到賣鹿公仔, 小鹿零食啦.. 我都有買.. 因為實在太可愛啦..
d鹿仔隻隻都好友善, 好乖...good
行去景點之一的.. "東大寺", 又係成條街都見到佢地行來行去..好得意.. 介紹一下.. 點解去依個寺呢? 其實佢又係出名...咩"世界遺產之一的全世界最大木造建築", 行近又睇落真係超大囉.. 令到人原來真係好妙小, 不過我最欣賞佢身旁的一個湖好靚。
返去大阪市啦! 去左食"放題壽司" 都係每人(980円), 好味新鮮, 超正, 掛住食都冇映比大家睇添..haha
食包包, 我地仲有一個代表作都未去就係"大阪城"啦.. 去過大阪而冇去睇一睇依座城點得呢? 出發, 2旁d櫻花多到呀.. 好靚呀.. 又多人去嘗櫻食野添..
行到大阪城啦.. 好靚呀... 依個角度映出黎真係唔錯.. 不過就冇入城啦.. 真係好細.. 同我之前去口咁多城比較.. 佢係最細的一個.. 但相當靚囉..
映夠啦.. 要返去食dinner啦..
JR時都好累.. 可能依幾日真係行左13 hours以上 (每天) 真累到想訓一訓, 見到老公仲有心機映特別的poster, 都知道一個愛好攝影的發燒友, 去到邊一定映到邊.. 讚揚!!!




JR心齋橋, 都快天黑啦.. 不過係我shopping的開始.. haha.. 可能太累啦.. 想食d野加energy先.. 有個唔知咩泡夫(300円)..都唔錯幾好味.. 好cream me呀.. 之前幾日都去左好多觀光景點, 都未試過shopping..

心齋橋係一個大阪最大的購物區, 點會買唔到野呀.. 成條街超多人.. 而且都見到唔少HK人添.. 好似去左旺角咁... 買左好多手信啦.. 有食野, 化妝品, 衫仔, 襪仔啦.. 咩都有d...


行到好餓啦.. 又搵食先.. 依... 比老公發現左....
比我見到之前同亞kitkit一齊去北海道食過的"味之時計台", 超級好味的大大大...帶子牛油豚肉拉麵(1400円) + 煎餃子(650円)... 邊食邊回憶同kitkit+manson一齊玩得好開心的旅程... 食完果然真係冇變, 都係好香好濃滑湯底, 好味呀...

東大寺 : http://www.welcome2japan.hk/location/regional/nara/narakoen_toudaiji.html

沒有留言: